中學老師
- 編號：
- 截止日期： 已截止報名
- 名額： 有空缺
-
收費：
- CA$0.00
沒有項目！
由2019社會運動之後，香港人已經分裂，昔日的好友會用顏色來區分，但再爭論己經無用，一切一切既成定局，我都已經睇唔到 「希望」。
作為一個教育工作者走在前線9年，用自己第一身感受話俾大家聽，「快…… 快…… 快…… 所有野都推得好快，快到我自己都想像唔到」，大環境既變化，推到工作環境既變化，再推到教育環境既變化，我越做越睇唔過眼，越做越唔開心，問自己：「過多5年10年，你會想像到係點，你覺得仲可以當無事繼續為左果幾萬蚊穩定收入做落去嗎？」
作為三個孩子的爸，心中有團火燒起了，世上無難事 只怕有心人，何不帶佢地去睇睇世界有幾大，孩子的爸決定馬死落地行啦，既知道教書條路已經無得再行，且昔日的電腦工程學士已荒廢多年，何不從興趣出發呢？下定決心揾移民的資料。
移英移加移澳，相信YouTube大把呢D片，孩子的爸一開始諗都唔諗已經選擇左BNO去UK，因為簡單，其他國家左計分右計真係好邊緣，既然走就不回頭，幫小朋友落地一路成長最緊要。但上天給我啟示，第三個BB既出現將我計劃好既野都停晒，咁我地就繼續留係香港生埋BB再算，焉知非福，一拖就拖左個加拿大HK PATHWAY出黎，最後我地決定左去加拿大。
點解？
1.大人讀書自我增值必然係好事
2.小朋友讀書輕鬆D(其實老師係唔想俾功課架，衰係個制度呀)
3.文化多元，太太們都必定擔心小朋友會唔會俾人蝦架，但老實說環境佔一半，家教佔一半。
又點解會黎左Calgary呢個地方？老實講，三十出頭一家五口會有幾多積蓄，一諗起錢當然就係想揾個地方租樓平D，老婆大人又想揾d多華人既地區，就算無人無物都叫有人同聲同氣，上網揾下資料就鎖定左Calgary呢個地方。未出發前其實好多不穩定因素，又有好多文件要處理，係呀，我地係自己搞呀，睇官網跟住做，再唔係上Facebook上YouTube都有人教，真係自己搞自己了解清楚發生咩事好，人生大事唔好交託係人地手上啦。
黎到Calgary兩星期了，感覺心情放鬆晒，下星期開學都無咩好擔心，反正都要努力生活下去，現在只是想分享幾個小故事，這裡的人和事令我更安心係度生活，甚至窩心到你唔相信。
1. 朋友 A 和 B
A 係出發前幫我睇樓租樓，我訂了傢私佢幫我收貨，有咩筍野都幫我入定貨；之後 B 知我地有咁細既小朋友，係我地到達前幫我地清潔家居，買齊生活必需品。更驚喜的是，我地帶住3個小魔怪及八件行李，苦惱緊駛唔駛call多架Uber時，竟然有三架車來接機，電光火石之間我地就返到屋企，仲有埋晚餐甚至甜品都有，萍水相逢可以做到咁真係唔簡單，多謝你。
2. Telus哥哥
遇到廣東話的哥哥仔，細心幫我安裝上網之後，第二日我地需要長d既Lan Cable，佢放工時間特登私人拎到上門俾我地，多謝你。
3. Handyman梁師傅
幫手執漏的老華僑梁師傅，得知我地一家五口剛到達，分享了很多他的經歷，鼓勵我們一開始是艱難的，佢自己開頭一句英文都唔識到今日都生活得好好。最窩心既係我地係加拿大收到第一封利是，佢祝我地：「夫妻同心努力，好快有好日子過。」，哈哈，多謝你。
孩子的爸來到Calgary呢個地方只是兩星期，這裡的廣東話人令我都覺得充滿愛，希望這篇長長的肺話可以打動到你同我有一樣的想法：”香港人幫香港人，香港加油。"
「移民故事」純為投稿者真實個案同個人感興分享，與本會館及讀者立場無關。