2022-12-04

係加拿大Calgary生活左兩年，申請緊PR。原因？2019年社會運動令我對香港心寒，不停咁搵究竟點樣先可以離開香港，2020年，把心一橫就賣左層樓同老公兩個人黎左Calgary，朋友屋企人乜都冇，只有我地兩個人。當時好多親戚朋友都話我地點解咁衝動，連樓都賣埋，外國好多歧視呀，Calgary = 北極咁凍喎點住人，新移民要去做洗碗掃地好辛苦，有排你捱… 總之好多負面既說話，但我同老公冇理，話走就即刻 action 報考 ielts，報學校，Study Permit + SOWP，執屋寄船。

香港既親戚朋一開始好關心我地移民生活，最多就係問今日幾多度呀, 每次講完就係"嘩，咁凍？點住人呀？有冇著夠衫blablabla" 我同老公都不停解釋，呢到周圍有暖氣，唔係想像咁凍架，有車點對點其實行幾步路會凍，我諗"Calgary=北極"呢個迷思真係要佢地過到黎親身體驗先會明白。而歧視方面，坦白講呢兩年真係冇遇過，加拿大始終係移民國家，人地本地人佔好少數，成日話會俾人歧視既人會唔會太玻璃心 "覺得" 自己俾人歧視？