2022-07-08
我們的故事 （大大大大長長長篇）
同所有有加藉既父母一樣，
「幾時返加拿大呀？」
「等個小朋友大啲先啦！」
「我想佢學好中文先喎！」
「等老豆搵多幾年錢先啦？」
係，我地當日都係咁諗。等小魚小六畢業先返黎。
魚媽係上一個移民潮過左黎加拿大，讀 College 讀大學，再做左好幾年野。為愛情隻身返香港。返左香港十年，人生第二次由香港搬去加拿大。
魚爸魚媽結婚時都有諗過邊到定居，最後選擇左香港，因為當日魚爸工作上有老闆賞識，收入同發展都唔錯。
到小魚出世，返學。有幸入到魚爸魚媽既母校。但我地已經見到，好快我地一家三口都會嘔血。於是轉行plan b，返加拿大既日子由小魚小六畢業，改到小三左右…直到19年尾，我地只係用左一個月時間，就決定讓小魚由grade one 開始響加拿大上學。
一切都好趕，亦都由19年12月開始，等到今日，22年7月8日。魚爸先正式收到楓葉咭。（點解咁耐容後再講）
黎到加拿大差唔多兩年，望返轉頭。有好多野你唔跳出 comfort zone 你係睇唔到。幸好，除左PR card 之外，所有其他既事情都好順利。工作上都夠我地搵餐晏仔。一家三口加隻狗都好適應依度生活。
我地係19年12月尾，速遞交文件。用 spouse sponsorship (Outland) 既方法申請魚爸過黎。
我們的 timeline
2019年12月尾，填好所有文件，速遞到加拿大
2020年 1月尾，已經打左手指模同 medical check
2020年4月，confirm police check 都交左
2020年6月，因為想小魚隨大隊可以9月grade one 入學，所以我地六月尾就由香港出發到加拿大
2020年9月尾，收到IRCC通知，要交相，護照資料等，同時佢信件上有一句，如所有料資有所更改，必須通知當局……咁我地入左境，當時美加邊境closed，全世界都Covid 禁飛又隔離…..所以我地唯有通知已入境及提供加拿大地址（就係依到出事）
2020年10月，所有所需資料已交
2020年12月，魚爸既 visitor 簽証到期，要申請extend
2021年 1月，第一次打上IRCC hotline, 詢問點解咁耐都冇PR card 消息，得到既答覆係我地唔再係Outland，要排第二條隊（雖然佢冇講，但我地肯定係轉左去inland 重新排過)
2021年 4月，第二次打上IRCC hotline, 查詢點解咁耐冇消息….得到答覆係處理中，等
2021年5月，收到visitor extention，status 轉為 temporary resident，可以考車牌，即刻去考！（visitor 身份可持國際牌揸一年車）
2021年5月，收到IRCC 通知，要小魚去做medical check, 因為小魚已經係加藉（因為魚媽既關係，出世已經有）好明顯IRCC 攪錯左，於是開始左我哋既IRCC hotline 大作戰，隔星期打上 hotline 講有關問題，希望跟進
2021年6月，頂唔順，check 到魚爸係有資格申請Open work permit , 立刻做左（早知一到步就申請），同月繼續打上IRCC hotline, 有關回覆都係「哎喲，錯左，我地有人跟緊」
2021年7月，因為救生艇計劃，Open Work Permit 唔駛三星期收到。
2021年7月，終於糾正IRCC 既錯誤，魚爸收到medical check 既信。
2021年7月某日，魚爸做完medical check 之後，步出診所。就收到IRCC 既email，決定免除魚爸既medical check
2021年10月，再一次打上IRCC hotline，查詢點解又冇左消息，得到答案係「等下啦」
兩日後，收到信件，話魚爸既email invalid……(email 左年幾喎…..）
打上IRCC hotline 查詢，
幾日後終於收到 email, 再一次提供証件相，passport 資料。第二日立即交哂所需文件。
再幾日後….又再收到 email, 又話要提供証件相同passport 資料……..what!
Webform 問，得到答覆……..會跟進…….
終於
2022年1月，收到eCOPR
2022年5月，webform 詢問點解仲未有 PR card，得到回覆「係咩？再寄過比你」
2022年7月，終於收到PR card
Anything that can go wrong will go wrong
Go wrong 既仲包括魚爸既 learning driving license 上，魚爸個名係錯……
但從申，我地係冇交漏、填錯任何一份文件…….
Any 肥
一切，終於settle down
回顧番，我地到步足兩年
生活上都安頓好。小魚黎緊都升 grade 3 ，有班朋友仔會一齊去 play date。
魚媽工作上都向上發展中。
魚爸就由一個高級工地管工、爆炸品處理員，搖身一變，變成一個魚家專用司機，協助魚媽工作。
可能係兩公婆一齊工作，磨擦多左，但了解都多左。新既生活環境，互相支持真係好重要。
其實，之前都有講過
今代既移民潮係冇exit plan
當日，魚爸放棄左一個升職既機會，放棄咗「搵多兩三年錢」既機會。跳出 comfort zone 去再睇下自己既可能性。
外面既世界好大，我地相信香港人既精神，一定可以安定生活到。（做錯野咪最多”oops”)
感謝移民前後，身邊所有支持我哋既朋友、親戚。感謝黎到之後所識既朋友、鄰居（佢地應該睇唔到依篇文) ，亦都感謝魚加遊既讀者，你地既 Comment, Like, Share 比我地覺得移民路上並不孤單。我地會繼續努力玩，努力介紹！
最後，感謝你睇完我地既大長篇
** 歡迎大家Click 下面個 Facebook 同埋Instagram 俾個 Like 同埋 Share 去 Support 番響卡加里住嘅香港人 Blogger **
「移民故事」純為投稿者真實個案同個人感興分享，與本會館及讀者立場無關。
