2022-08-28
當身邊既親人朋友知我地要移民去Calgary
大多都話邊度黎架？好鄉下！好落後！又凍！又悶！
唔經唔覺嚟到尼一個我哋一家五口第一次踏足嘅地方多過大半年，感恩由計劃、實行、適應都叫作順利，只能夠話尼度一D都唔鄉下亦都唔落後同埋一D都唔悶，每到假期都好忙碌有好多唔同既活動，亦因為咁D時間過得好快。
我地兩個大人都將我地既曾經都一一放低由零開始，特別喺放低多年要重拾書包嘅爸爸 ，真喺一啲都唔簡單，亦都唔可以話辛苦就放棄，相信最開心最容易適應係我地三個小朋友，由每日都好多功課同應付默書測驗考試既生活，轉眼黎到一個無壓力既環境學習成長，放學番屋企掉低書包就出去同鄰居玩。
到目前為止令，我地覺得辛苦都值得既，係見到佢地三個響自己條跑線既進步。
例如: 見家長時, 班主任話大女就算英文唔係好好，但佢有唔識會主動發問，對於電子奶咀仍然努力戒癮中。發覺無閱讀習慣嘅阿仔，出街會帶本書放響書包坐車時睇。無咗工人姐姐嘅妹妹，學會自理樣樣都唔要人幫會主動嘗試。
尼條新移民路上，除了感謝身邊朋友幫忙，感恩遇到好多好好嘅香港人，用心咁比左好多免費資訊幫大家行DIY尼條路，黎到尼度又有香港人開左好多唔同既通訊群組分享資訊，令到我地都好快適應尼度既生活。
亦因為咁認識咗一班新朋友 ，大家都互相幫助互相扶持！
希望今日自己得到咁多好人嘅幫助，他日自己有能力都可以去幫番其他人。
響加拿大有唔少香港人，人人情況同故事唔一定相同，但相信最多相同嘅就係心繫香港，大家都要多包容、多接納、多欣賞，少一點抱怨，互相尊重。
這些說起容易卻容易遺忘！ 一同共勉之！
「移民故事」純為投稿者真實個案同個人感興分享，與本會館及讀者立場無關。
